Wakanda, ko tiitoonde yimre nde Baaba Maal yuɓɓani Filmu « Black Panther » on, nde o jaɓunoo wallitorgol hito makko ngon e oo filmu lolluɗo.
Wakanda non, iwdi mun ko laamateeri jeyaandi Afrik ndi suudu muulirdu ndun Marvel Comics huutornoo e deftel mun comic bookFantastic Four #52 feeñungel e suwiye / mosro 1966.
Ko innde ndin laamateeri miijitaandi e dunnde Afrik nden woni ko yuɓɓuɓe filmu « Black Panther » ɓen luɓii ɓe nodditiri filmu maɓɓe on, o woni sifotooɗo fii ndin laamateeri Wakanda.
Baaba Maal non nde jaɓunoo wallitorgol hito makko ngon e oo filmu, o tawno sifoore « Wakanda » nden hino nanndita e « daartol dunnde Afrik nden », wano o holliri e BBC.
[irp posts= »4976″ name= » Black Panther », Baaba Maal wallitorii e innde Afrik »]
O ɓeyditi wonde yimre nde o yuɓɓani nden oo filmu « hino yeewta fii daartol laamɗo Pullo wasiyanooɗo heɓtitoygol jullere mun laamu nden », wano sugu mun siforaa non ka filmu « Black Panther ».
Oon laamɗo Pullo mo Baaba Maal yimi fii daartol / taariika mun ndeer « Black Panther » anndaaka innde mun. Ko woni tun, maqaamu makko on ko ko feeñi ; sabu Baaba Maal wi’anno BBC : « oon laamɗo jaɓuno wasiyee mo o wasoraa on, o hennditii jullere makko nden, o hiwi teddungal e koohaŋkaaku (dignité/dignity) laamu makko ngun ».
[irp posts= »1372″ name= »Ɗemngal e jaayndeyaagal e naalankaagal »]
Kaŋko dey Baaba Maal himo gomɗini wonde gannde kese ɗen ko kutu ɓamtirɗo finaa-tawaa afrik on, teŋtinii naalaŋkaagal ngal o yanngodi e mun, o etii humindrde ngal e gimɗi janani ; gila ka koral / albon makko Nomad Soul, ka tiitoonde makko : Lam Lam.
Ɗee golle Baaba Maal ɓurtii ɓaŋnginannde –wano o holliri non « Hollywood e Disney fahmii wonde gimi ɗin e filmu on ko Afrik heddorii ».
En maandinay tun wonde naalaŋkooɓe goo kadi wallitorno hitooji mun ndeer filmu on ; wano : Mamy Kanouté, Fatim e woɗɓe.
Teddungal 
Mi weltiniima on
J’aimeJ’aime