Tuuginorde Gine nden ko doosagal leydi Gine ngal Seneraal Seekubaa Konaatee yaltini ñalnde 7 maayuhu 2010. Ko kayre lontii tuuginorde Gine nden 1991 (ka yamre mayre 2003) nde CNDD dartinirnoo liɓal-laamu (kuudetaa) on 2008 e ardungal Kapiten Muusaa Dadis Kamaraa.

 

Ado ndee tuuginorde ɗoo, hari Gine heɓii tuuginorɗe goo, ɗen woni :

Tuuginorde ginenaare nden 1958,

Tuuginorde ginenaare nden 1982,

Tuuginorde ginenaare nden 1991 (rewtanoode hitaande 2003).

 

Hunorde

Tippude e suɓo ngon ñalnde 28 Settaambur 1958, jamaa lagine on suɓike ndimaaku sar’ini kadi, ñalnde 2 Ottoombur 1958, wonnde LEYDI ndimuyaagu :

NDENNDAANDI GINE;

E nder taskagol peƴƴi mun yawtuɗi e mabyliigu baŋŋe dawro gila ɗum;

 

JAMAA LAGINE ON

 

No feññina :

 

  • Tawtugol miijanteedni e doosɗe, jojjanɗe e baɗɗiiɗi tabintinaaɗi e gaadondiral Fedde Ngenndiije Dentuɗe (ONU), Feññinannde winndereyanke-ere fii Haqqeeji Banii-Aadama, ahadiiji e nanondire adunayankooji yowitiiɗe e Haqqeeji Banii-Aadama, taƴnannde tuuginorde Dental Leyɗe Afrik, Ahondiral Afrik fii Haqqeeji Banii-Aadama e Jamaaji ɗin e haldide mun ɓeyditiiɗe yowondirɗe e haqqeeji debbo, tawti ahadi rewtaandi ndin ka CEDEAO e ko ɓeyditaa kon e mun fii fewjodal (demokarasii) e ɗowal moƴƴal.

 

Fellintina :

  • Annuyee mun darnugol e hoore pottal e nonodiral leydi, Dawla laawol e fewjodal ɗuuɗal tuugaale-wal.
  • Annuyee mun ɓamtugol ɗowal moƴƴal e haɓirgol ngeenaari ndin daditaare e bonnanɗe baŋŋe faggudu. Ɗen ko bonnanɗe haanaaɗe ubbeede.
  • Annuyee mun hunnugol huwwondire weldigal e naɓidal hakkunde jamaaji aduna on fow tippude e tugaale fotondiral, teddingol ndimuyaagu leydi ndin, ñiiɓuki laral ngal e senndodugol geɓe ɗen;
  • Humagol e ngootaaku afrik, e yuɓɓondiral leyɗe kawte e leyɗe dunngal ngal.
  • Heratniiɓe hoore-mun e joɗɗingol njuɓɓudiiji mun, jamaa Lagine on aadike ndee tuuginorde ɗoo.

Janngu kadi : NANONDIRAL WINNDEREYANKEEWAL HAKKEEJE AADE