Hitaande 2018 nden dawirii yaltugol oo filmu lolluɗo anndiraaɗo « Black Panther », mo jaayɗe ɗen sifori « filmu afriknaajo », sabu tawde ko afriknaaɓe tan woni ko yalti e makko, tawti kadi ko fii dunnde afrik nden woni ko o yeewtata fii mun. Ko e oon filmu tinndiraaɗo woni ko Baaba Maal wallitori gimol e innde Afrik.

Mo ndaarii Filmu « Black Panther » on, ma o hawru ton e hito Baaba Maal himo yima yergina e daande makko welnde.

Kabaaru ballal makko e oo filmu ko ka hello makko Instagram woni ko adii feeñude. O humpitiri ɗum e Engelere : « Baaba has been working with @ludwiggoransson on the score for the new film #blackpanther ».

Ko non tigiri woni ko laatori, Baaba Maal suɓano wallitorgol gimol e ndeer oo filmu « Black Panther », o jaɓi ɗum o jaɓiri sabu tawde sifoore filmu on : « hino nanndita e taariikaaji ɗi o sifanaa, e goɗɗi ɗi o jaŋtotoo e gimi makko ».

E wi’i makko : « ngol gimol ngol o yimi ka « Black Panther », ko gimol yeewtayngol fii laamɗo Pullo. Gimol anndaangol e renndo fulɓe. hingol nanndita e miijo « Black Panther » ngol ».

[irp posts= »4911″ name= »Pinal – Deftere fii Baaba Maal »]

Ɗum ɗoo hino holla wonde gaaci ɗin ko laawol wallitorayngol ɓamtude pine afrik ɗen. Sabu ngol gimol Baaba Maal e miijo oo Filmu « Black Panther », ɗum wonii ko yahdi. Ɗum kadi wonii sabu no finaa-tawaa fulɓe afrik ɓen layira e windere nden.

Sikke alaa, kala on ndaaruɗo oo filmu, o nani hito Baaba Maal ngol e makko, hawri ko himmirɗo wiɗagol, ma o ɗaɓɓitu daartol kon ko hooreejo Daande Leñol ngol yimi yergini e oo filmu.

« Black Panther » ɓamtii fii Afrik, sabu filmu on hollii wonde : « Dunnde Afrik nden, wanaa nde dunnde haŋki, ko nde dunnde hannde e janngo », wano Baaba Maal holliniri. Baaba Maal kadi ɓamtii fii pinal fulɓe e pine afrik.

[irp posts= »1372″ name= »Ɗemngal e jaayndeyaagal e naalankaagal »]

En jaɓay weltoren, Baaba Maal hino jeyaa e layimɓe Pulaar e Pulaaku ndeer winndere nden. Ko sabu galli makko ɗin waɗi si janaɓe ɓen hittini fii ɗemngal Fulfulde ngal, ko kaŋko kadi ɓuri yerginirde ngal gimi makko ɗin gila duuɓi 30 ado hikka. Kaŋko Baaba Maal e deŋtal makko Daande Leñol.