Memtinaari (matière) woni kala ko yiyotoo, ko memotoo, walla ko tinotoo. ndi mahiraa ko tuufeere ɓurnde famɗude no wiyetee ko Mittere (atom). So mitte ɗiɗi fayi dow ndentii wona geɗal (element). Ko e fotde geɗe 92 Geno tagi tagoore ndee, ko ɗee ngoni geɗe tago (natural elements).

Annduɓe ɓee taftii heen ko ina wona 14 geɗal.
So geɗe ɗiɗi fayi dow ndentii mbaɗa ko wiyetee Mahre (compound). So mahe ndentii maha Memtinaari.

Memtinaari ina feccoo e pecce ɗiɗi:
1-Wuurndi
2-Ndi wuuraani

[irp posts= »3323″ name= »Deftere gannde koode e haala Pulaar »]

Memtinaari wuurndi (Protoplasm), walla rigi wuurɗo, ko kañum mahi ɓalli kala ko wuuri: So puɗol walla ko kullel.

Tuufeere ɓurnde famɗude mahnde ɓalndu huunde wuurnde wiyetee ko ɓinnde (Cell). Ɓinnde ko kañum gollotoo e ɓalndu. Ɓinnde yiyrotaako yiytere mehre, Ko Laaɓtinirgal (Microscope) aade yiyri ɓinnde.
Ɓinɗe ina ceerti to batte mahdi, mawnugol e mbaydi.

So ɓinɗe ndentii mbaɗa Cañu (Tissue)
So cañuuji ndentii mbaɗa Tergal (Organe)
So terɗe ndentii mbaɗa Yuɓɓo (System)
Yuɓɓooji ndenta mbaɗa Ɓalndu.

Ko wuuri seertiri e ko wuuraani ko e:
1-Tin’de
2-Dillude
3-Foofde
4-Yeñde
5-Ɓoñde
6-Ñaamde e yarde
7-Maho-yirbo (Metabolism)
8-Mawnude.

Timmii.
Kuɗol : Abuu Njom
Dawlaaji rennduɗi/Etats Unis