Caɗeele ƴellitugol e saakiugol defte ka ɗemɗe Afriknaaje, ko tiitoonde bensondiral (colloque) mawngal ngal suudu muulirde ndun (imprimerie; printing house)Ganndal woni ko yuɓɓini leydi Gine hakkunde  27 – 28 nofaambur / jolo 2017 ka saare mawnde Konaakiri.

Mo taskike tiitoonde ngal bensondiral, o taway ngal memminii toɓɓere himmunde fewndo ka ɗemɗe afriknaaje ɗen adondirta ɗon e ɓamtal. Ko wano non kadi mo ndaarii taworaaɓe ɓen ka jonndeeji ngal tummbondiral, o annday ko haa hoŋto yeewtugol fii caɗeele ƴellitirgol saakita defte ɗen ka ɗemɗe afriknaaje hittiri fewndo hannde.

weeɓitirde defte, ndeer leydi Gine.
weeɓitirde defte, ndeer leydi Gine.

Si waɗtaama e kawtite e feddeeji e deŋte kippuɗe ɓamtal ɗemɗe afrik ɗen, leyɗe kawtiduɗe e Gine ɗen tawtorano e ngal tummbondiral mawngal ; ɗum non ko wano : Koddiwaar, Sengaal, Nijer e Gine.

[irp posts= »3323″ name= »Deftere gannde koode e haala Pulaar »]

Miɗen ñoggana on ɗoo ko ari e ngal bansondiral ɗemɗe afrik :

Saaktugol defte e ɗemɗe afrik ɗen, ko caɗeele honɗe wondi ?

Wano feeñiraa non ka tiitoonde bensondiral, faandaare nden ko toɗɗagol caɗeele fewtuɗe ɗen e anngal ƴellitirgol ɗemɗe afrik ɗen ka baŋnge binndol. Bensondiral ngal maandinno toɓɓe jeeɗiɗi e ɗen caɗeele, hino jeyaa e ko ɓuri himmude e majje:

  1. Wallifagol ngol ka ɗemɗe afriknaaje ko ko hawri, ɗum addataa ƴelliŋtinngol saakita ɗemɗe ɗen.
  2. Yeru kawtite e feddeeji winndooɓe saakita ɓen e ɗemɗe afriknaaje ɗen, heewii muulirayɓe defte e mbaadi kaanude ; ɗum softiŋtaa jaŋngooɓe ɓen ;
  3. Ɓe wallitortaa layingol humpita jamaa on fii ɗen defte maɓɓe coñte e gannde ;
  4. Kalfe hino tafiree nano e ñaamo ko winndiree e ɗemɗe afrik, ko aldaa e nanondiral hakkunde kawtite kippuɗe fii ɓamtal ɗemɗe ngenndiije ɗen.

[irp posts= »4911″ name= »Pinal – Deftere fii Baaba Maal »]

Ko ndee toɓɓere sakkitiinde ɗoo woni ko ɓuri hittude e ɗen caɗeele fewtuɗe e anngal ƴellitugol ɗemɗe afriknaaje ɗen ka baŋngal binndol ; ko ɗuuɗugol Alkule ɗemngal kala ! Hara non ko e Alkulal gootal wonanoo winndireede, wallifee e mu’un ndeer ɗemngal kala, harayno hino woodunoo ka limoore takkee e ballafuyeeji ɗemɗe men ɗen.

Kono mo waɗtanii yiila, o taway hino winndireede baŋ-woo-ɓaŋ. Hino woodi haa hannde koɗooli jogitiiɗi alkule mu’un heeriiɗe, hino winnda wallifora ɗen alkule maɓɓe.

Ko ɗum woni saɗteende ɓurnde fewtude ɗemɗe afrik ɗen fewndo hannde ka baŋge binndol. Ndeen toɓɓere ko maa ndaaranee e renndooji me’en. Fottanen binndol gootol, golliren ngol ɗon, yaaden e jamanuuji ɗin hannde.