Ko e Alkamisa, ñannde 18 Fabraa’iru 2016 woni ko kumpital ngal yowaa ka lowre burkina24.com e kuɗol Oui KOETA, wonde Sarɗi woote (code électoral / electoral code) ɗin Burkina firaama e ɗemɗe tati ngenndiije, ɗen woni: Mooree, Julaa e Fulfulde. Ɗum non ko eɓɓoore goomu kippungu fii woote ɗen lesdi Burkina hino wi’ee commission électorale nationale indépendante (CENI), e ballal lesdi Kanadaa ndin wondude e karallooɓe (experts) Eropnaaɓe kippuɓe fii ƴeewtagol woote ɗen hino wi’ee centre européen d’appui au processus électoral (ECES).

« Ɗii sarɗi woote wallitoray tawtondiral fotondiral”. Tawde non ɗi “newinanay jamaa on hollugol miijo maɓɓe..”

Ngel deftel firaangel e ɗen ɗemɗe tati ngenndiije, yaltinirano e muuluuje 6.000 sennditaa hakkunde ɗen ɗemɗe tati.

“fotde ɗee duttorɗe (documents) firaaka e ɗemɗe ngenndiije ɗen, haray hino heddii taho”

Hino jeyanoo e ekipu / diɗɗal kippunooɓe ngon firo, Dokteer Iisaa Jallo. E konngol maɓɓe: “fotde ɗee duttorɗe (documents) firaaka e ɗemɗe ngenndiije ɗen, haray hino heddii taho”. Sabu non –e miijo maɓɓe- ko seeɗaaɓe nii woni ko ɗiggini ɗemngal Faransi ngal e nder Burkina, “hay ɓen ɗon le, ko maa ɓe wallitora saggitorde e wonndeejee”!

[irp posts= »1784″ name= »Gine – Ablogui sincii lowre ɗowtitinrde woote ɗen 2015″]

Wano Luc Pincince, halfinaaɗo on alhaaliiji ɗin ka yaakitorde Kanadaa holliri non fii nafa firo ngon ka ɗemɗe ngenndiije, « ɗii sarɗi woote wallitoray tawtondiral fotondiral”. Tawde non ɗi “newinanay jamaa on hollugol miijo maɓɓe..”.