Lowre (web site) nden ko Guineevote wi’etee, ko nde geese web ɗowtitirnde woote ɗen Gine 2015. Ɗum ko eɓɓoore ɓii-leydi (Citoyenne) nde Kawtital Blogooɓe Gineyanke en (ABLOGUI).

ABLOGUI ko renndo moftungo Blogooɓe Gineyanke sotuɓe e web.

E wi’i maɓɓe: « Ndee eɓɓoore hesere wallitoray no yeɗɗiri fii laaɓal e ƴellitaare woote ɗen ». E nder yamre maɓɓe heblo nden, ko wano nii lelngo (stratégie) maɓɓe ngon ardi fii fampagol lowre Guineevote nden:

  • Sincugol loowdi geese (contenu web). Ɗum newnanay juurotooɓe ɓen Guineevote janngugol ñoggande denndaangal winndanɗe lowe geese Ginenaaje e janane himmuɗe yowondirɗe e woote ɗen.
  • Sincugol laylatol (resoo) e-lasindotooɓe (e-observateurs) saakiteteeɓe nder perefektiiruuji ɗin 33 Gine. Nulal tuuginoral ɓen lasindotooɓe ko sifagol oorngal woote ɗen e suɓngo ngon ka ɓe woniri ton, e falƴitugol jamaa on kadi.
  • Udditugol njuɓɓo jaambureejo (neutre) fii eɓɓindiral eɓɓooje renndo lanndaaji ɗin (partis politique). Miijo ngon kono jonnira maanaa e bensondiral politik ngal e wootugol jamaa on.

GUINEEVOTE-218x150

Guineevote non ko e tiimtorde SUNU2012 ngal gollirta himo huutora VOXE.ORG e ballal lasindantooɓe France24 en kañum e L’ATELIER DES MÉDIAS DE RFI

E hino jokkorɗe eɓɓoore Guineevote nden ka jowlol internet:

FACEBOOK, TWITTER, e Calol maɓɓe ngol.