Ko hikka woni laawol 30 ɓol ko Afrik foolondirta e lato mullere (balon), ko eɓɓanoo yuɓɓeede ka laamateeri Marok, egginiraa Gine Fotondirndi (Guinée Equatorial). Ɓaawo foolontori juutungo hakkunde lesɗe tawaaɗe, ko koddiwaar e Gana woni ko hawroynoo ka timmoode (finale), e Alarbaare nden ñannde 27 Sanwiyee 2015. Ko non GENO on muuyirnoo yo Koddiwaar heɓtu kopuuru (coupe) CAN 2015 ndun e battane latere warjitorde (penalty) nde hiwoowo-loggi (gardien) on Copa Barry naadi. Koddiwaar fooli heɓti kopuuru CAN 2015 ndun sabu Boubacar Copa Barry.

Ko hombo woni Copa Barry?

Buubakar Kopa Bari, ko jibinannde Koddiwaar e hitaande 1979 ka wi’etee “Markorii”. Lasli makko ko Saare Dalaba, laral fuuta Jaloo, lesdi Gine Koanaakiri. O tabintinanno iwdi makko fuuta ndin ndee lowre http://www.foot224.net/ e lamndo (interview) maɓɓe, o wi’i: « ko mi Ginenaajo, weltorɗo jeyeede am Gine. Lagine ko lesdi am, nde mi heɓtii woo.. mi hewta mi fowtoo, sabu ɓe wi’ay: wata mo yejjitu ka mun. Ko goonga, jibineede am ko Koddiwaar, kono ɗum haɗataa lam weltorde arugol ka am».

« Je suis guinéen, je suis fier d’être en Guinée. La Guinée c’est mon pays, quand j’ai un bout de temps que ça soit un ou deux jours, je viens me ressourcer parce que comme on le dit, ne jamais oublié d’où l’on vient. C’est vrai que je suis né en Côte d’Ivoire, mais c’est toujours une fierté pour moi de revenir dans mon pays ».

Ko e hitaande 1995 woni ko o naatiri ka Académie MimoSifcom fii mecce hiwugol-loggi e duuɓi 17. Ɗuuɓi nay ɓaawo mun (1999), o siifidi (signer) e l’ASEC Mimosas  gollodal aranal makko ngal ka balon. Gila 2003 himo gardana fedde KSK Beveren nden Beljik..

Ammaa koddiwaar ka o fewndii ɗon nii, ko gila 2000 woni ko o fuɗɗodi e maɓɓe, o tawdaa kopuuji winndere 2006, 2010, 2014 e kopuuru CAN 2015 ndun.

En aanndintinay wonde Copa Barry ko wikkanooɗo ka fedde latirde mullre koddiwaar, o seydintiniri ɗum « annde » yumma makko nden o wi’i (himo fesora/wullora) : « Yumma am hino suninoo fota/masin ko mi alaano fijude kon. Miɗo jaarna-ɓe… weltanoo yimɓe koddiwaar ».

Kopa Bari e Yumma mun
Copa Barry e Yumma mun

«Ma maman souffrait parce que je ne jouais pas. Merci à elle, merci à tous les Ivoiriens. Le foot m’a permis de voyager, il n’y a pas de place pour tout le monde ; mais il y a la place pour le travail. Dieu m’a récompensé», a-t-il confié, en larmes ».

Kono ngal polgal ngal o addani koddiwaar yejjintinii ko yawti, sabu welo-welo moolanaago ko o (kopa) heɓidi e wondiiɓe makko ñannde jamaanu koddiwaar jaɓɓodunooɓe e lamɗo lesdi ndin Alasaan Wataraa. Girdi-girdiire nden hino iwra heen fow e jaɓɓo jamaanu hesu.

Kopa Bari e wondiibe mun, wondude e Alasaan Wataraa
Copa Bari e wondiibe mun, wondude e Alasaan Wataraa. Iwdi Natal/ Ka hello (page) makko facebook

Ko wano kadi maadiiji goo koddiwaar natirano (winndiraa) toraare yaafuyee e bangal Copa Barry « Copa Barry nous te demandons Pardon et nous te disons Merci ». (Kopaa meɗen toro-maa yaafuyee, meɗen jaarna-maakadi ). Facebook hbbiniraa hellooji (pages) e innde makko.

 

En yettii Geno.