Suudu muulirndu defte ndun senegaal Papyrus Afrique; humpitii janngooɓe mun tedduɓe, caakital (publication) defte nayi (4) e ɗemɗe Afrik (Pulaar, Wolof, e Seereere). Ɗum non ko battane moɓtondiral hikka-wal fii faatunde (saŋkaare) Alla hilno Sheiyx Anta JOP.
E nder ɗen defte nay feññinaaɗe, ɗiɗiije ɗen ko e Fulfulde walliforaa, ko ɗen woni :

  • Norwa e Cukalel : Deftere fii fayɓe, e kuɗol Moodi Bayla Kulibali.
  • Booy Pullo : Miilol/keɓɓitol (roman) mo Moodi Abdullaay JAH e Moodi A. Kim YOOK wallifii.

En anndintinay tan wonde « Papyrus Afrique » ko suudu muulirndu defte ka ɗemɗe Afriknaaje, e faandaare ɓamtugol wallifaaku (littérature) hannde ngun Afrik.

Nduu suudu sincaa, ko hitaande 1996. Gila ɗum ɓe feññinii ko yahata defte 130 e nder ɗemɗe hirnaange Afrik ɗen.

Ko wano non kadi hiɓe saakita ɓatakal (manuel d’information) ka Fulfulde e ka Wolofuure hiɗe wi’ee : Lasli/Njëlbéen.

Nduu suudu defte yeɗano ngeenaari « Alioune Diop » fii ɓamtal caakital nder Afrik e hitaande 2002. E ngeenaari lesdi Senegaal fii ɓamtal caakital hitaande 2005.

Hino jeyaa e defte Fulfulde ɗe ɓe feññini :

  • Fulbé gila heli e yoyo: Etaare (essai) Porfoser Abuubakri Muusaa Lam.
  • Lelngo Alquraan : Firo Deftere AlQur’aanaare nden e Fulfulde. Kuɗol: Cerno Kadeer KAH.
  • Jimol Maayo : Deftere gimɗi nde Mamma Wan.
  • E ko nanndi.