ko ñannde 16 bowte (deesaambur) woni ko kawtal janngooɓe fulfulde e leyɗe Arab, ñiiɓirde Marok woni ko humpitii seenagol Docteur Oury Barry e laamateeri ndin, ɗum woni welo welo mawngo tawde hari ɗuuɗuɓe e sukaaɓe ɓen Marok gaa anndaano Cerno on woɓɓe kadi wayriiɓe.

Ko non feddeeɓe kawtital ngal etorii haa tinntodi e Cerno on ñannde 17 bowte, ɓe jaɓɓaa ɓe tolnaa ɓe sanna ka laamateeri Marok, anndondiral waɗaa kawtal ngal humpiti Cerno on no sukaaɓe ɓen tiɗnori non ka janndeeji e laamateeri ndin, ɓaawo ɗun ɓe weltii weltori teddungal ngal ɓe jarni ɓe du’anii sukaaɓe ɓen fof, ɓe ɓurtiɓe kadi softinnde e jannde nden.

E nder hen, toɓɓe ɗuuɗuɗe yewtano ka jonnde ɗon nden ñannde gila e fiyaake leñol ngol no fewndori ka bannge diina e renndo haa e bannge dawrugol,…Ko wano non Fulfulde kadi heɓuno hakkee mun on e nden jonnde muraadu moƴƴuru…

[irp posts= »48″ name= »Kawtal janngooɓe pulaar-fulfulde e leyɗe Arab heɓii salndu ka laamateeri Marok »]

Buy sikkayno wonnde Cerni on ko fii diina tun woni sokoliri, ejaka wonaa non woniri! Cerno on maakanno hoore mun e nden jonnde:  » Afer Fulfulde alaa (ka hattani lam), si feƴƴii e diina kan ko Fulfulde hikka ɗon » e ko mi kippi fii mun kon. Nde ɓe lanndanoo miijo maɓɓe e luutondiro fulɓe fii suɓagol kalfe goote ɓe holluno wonnde « wonaa fii Alla ɗun wonaa waɗireede, si wonaa ɗum (wa’ataano nii) »! Ɓe humpiti kawtital ngal fii noddaandu resannsugol winndita fulɓe aduna on fof immorde e leydi nijiriyaa, haa fewndo ɗoo ɓe winnditii ko ɓadii « 75 miliyon fulɓe wonɓe e nder aduna on » ɓe ɓeyditi: « Hino gasa ka ɓe (yeewtoya) fii ɗee kalfe » Fulfulde sertuɗe!

Nde fii leñol ngol memminanoo, Cerno on holluno a sikkay enen fulɓe « En haldu fii wota en fottu » hakke luutondiralji, « ko serndi en woo e Arabu ko ɓalli ɗin, kono jikkuuji ɗin fow ko gooti…. Mettere fii, bunngo… »!

Ko wano non ɓe raɓɓinndinir konngol e hollude annde maɓɓe fii leñol ngol, tawde e maaku maɓɓe « ko anndu ɗen woo ko goɗɗun, ɗun kadi wonaa yo neeɓu, ko jooni jooni! » Ɓe piyiri ɗun misal rewɓe men ɓen  » si a yi’ii en waawataa ɓe komanndaade jooni, ko tawde a yi’ay si goɗɗo arii (ƴamal) hay si mo wa’i wa kulaaru e kaanude, ɓe okkay mo si mo mari goɗɗun! Ɗum hino hersinanii en… » « fow wonii yiɗuɓe goɗɗun »  Cerno on aamaano  maandini e annde maɓɓe nden nokku ka yiɗugol goɗɗun woni lorrirde ɗon leñol ngol, ɗun  non ko wano bannge « ganndal, si ontigi fuɗɗike janngude tun seeɗa hino accitude » o jokka (goɗɗun goo), ko wano non kadi woni lorrirde en bannge  « larme, e ka poliisi,… »  tawde yimɓe men hino waasaa ton fewndo hannde, ɓe holli wonnde enen « en wakkilaaki  » muññagol e ɗen golle fii ko aroyat ñannde goo ka haaju yanoyta e daditii darii en fii ko hiwa ɓiɓɓe e jawle men immorde e yeebagol!

[irp posts= »1811″ name= »Kawral e Prof. Hammadi Bookum, ardiiɗo IFAN_CAD to Dakaar, Senegaal »]

Gooto e feddeeɓe kawtal Marok nulori Cerno on e yimɓe men ɓen to Gine fii ɓurtugol wakkilanaade jannde nden, tawde non ka laamateeri gaa, ɓiɓɓe leñol ngol ɗuuɗiraaka e janngooɓe wano ɓeya heddiiɓe!

Tigi-tigi, jonnde nden juutaano kono yewtere nden kan juutuno, ka waynondiral Cerno on jarnuno seeniiɓe ɓen tinntodi e maɓɓe, ɓe du’anii fayɓe leydi ndin fow ka laamateeri Marok.

Ado Cerno on yiltaade gine non, kawtital ngal etino hollindiriɓe e yoga e kummalooɓe laamateeri ndin telemma ka jannde, ɓen kadi weltori Cerno on ɓe sanni ɓe ɓe tolɓe. Ko wano non kadi yeru ko ɓe ñiiɓi kon gaa, ɗuuɗuɓe e ginenaaɓe janngayɓe Marok etino juuragol ɓe, ɓen kadi tinntodi e maɓɓe, haa no ɓe jaɓɓoraa non ka saare Fas wonndude e imminande kawtital ngal.

Kawtal Marok