Banndiraaɓe tedduɓe, ñannde 28 Suwiyee yewtunde; miɗen hollita on maande gooto e koode ɗen lewru jeere, hino maakee Moodi Aliw kondoma Bari kondoma! Awa hannde kadi miɗen humpitira on dow sunaare, ndee faatunnde Moodi Umar! gooto e feddeeɓe turuppu lewru jeere nden gine; ka filmuuji pulaar. Moodi Umar waalinoke e danki nawnaare gila ko ɓoowi, ɗum hino yaara duuɓi jeenay hiɓe waalii. Ko e Alattiire nden ñannde 07 Deesaambur 2014 woni jamaa lagine on hmpitaa faatagol maɓɓe.

Innde makko tigiri ko Ammaar BARI, jibinannde Maali Yemberen, laral Fuuta Jaloo, e hitaande 1946. Ɓiɗɗo ka Alhajji Yaaya e Yumma Faatumata Binta BARI. Ko kanko woni ko sinci turuppu Lewru Jeere on Gine ngam yuɓɓugol filmuuji e haala pulaar.

Moodi Umar ɓooyii e yuɓɓugol filmu e pulaar, fija ñembina mawɓe, jalnira jamaa on hikmaaji e pine fulɓe. Ko neɗɗo kirɗunooɗo. Fewndo makko e Alla hilno Moodi Aliw kondoma’en e nanndo maɓɓe, hari jumaare nden heewayno tef ndaarooɓe filmu pulaar, tawa hino foti yooɗi..

Maayde sugu ɓee kummaluuɓe, ko ɗustagol e pinal men lesdi gine nder fuuta Jaloo. E innde Misiide Network, hiɗen toroo Alla lamɗo waawɗo On, nde O yaafotoo oo musiɗɗo men Moodi Umaar, O yaafoda-mo e yaafaaɓe, O waɗana-mo yangi makko fii pinal fulɓe ngal baraaji mawɗi ka mandake makko moƴƴe. Yo Alla junnu balɗe hedditiiɓe ɓen e maɓɓe, O newnana en nafitorgol ɓe. aamiin Siɗɓe e yiɗɓe toraama yarlagol.