Ko sukaaɓe ujunere (1.000) woni ko eɓɓanaa elatagol e mecce jaaynde wondude e gannde kese (Technologies de l’information et de la communication) ; nder lesdi senegaal. Ɗum non, ko e ɗemɗe tati ɓurɗe lollude senegaal ɗen ngal eltal waɗataa (Wolof, Pulaar e Faransi).

Eɓɓoore nden ko e Fondation Paul Gérin-Lajoie woni ko iwri, e faandaare wallitagol fii ɓamtal e tawtindiral (intégration). Woni ko hikkii yeeso mun, ko jaagorɗo fiyaakuuji hakkunde leyɗeele (ministère des Affaires étrangères) on kanadaa. E innde ɓalal (Fondation Paul Gérin-Lajoie).

E konngol makko, François Gérin-Lajoie holluno « jannde nden ko e nder lebbi 14 woni ko waɗata, e nder heen naftorɓe ɓen ɗigginay mecce 12 » sertuɗe. E nder ujunere sukaaɓe ɓen, feccere nden ko worɓe, ndeya feccere rewɓe ; ɓe duuɓi mun woni hakkunde 15 e 25. Ɓee ɗoo fof jannete mecce ɗen e ɗemɗe lesdi ndin (Wolof e Pulaar), waɗta ɗon Faransiire nden.

Fewndo ɗoo, ko ca’e wano Diourbel, Fatick, Kawlakh e Cees (Thiès) tan woni ko naftorta ndee eɓɓoore haa no nde yaññiroyaa woo.

Tony Simard, sincuɗo on la Boite a innovations ; holluno kadi wonde « janngunoɓe ɓe goo nafitori ndee eɓɓoore, waɗtuno hillude halla e ɗemɗe wolof, pulaar e faransee ɗen nder lewru wooturu pet. Ɗum non ko e huutorgol wallitora hiisorɗe (ordinateer) e enternet ». E miijo makko : « eltoragol mecce e ɗemɗe mun ɗen, waɗta ɗon faransi on, e jurol web on, wallitora talifonji ɗin, e taable ɗen, ko ko hitti heewi nafa fewndo ka ngurdaam masinji ɗoo ».

Fahin, kañum François Gérin-Lajoie, o hollituno faandaare eɓɓo ngon, ko wallitagol sukaaɓe hande ɓen, no nguurdam maɓɓe ɓurtira hoyirde.

En maandinay tun wonde kala nafitorɗo ngoo eɓɓo, haray himo fodaa ɗowtiteede e sincugol anterpriz (entreprise) mun on. Miniisir (jaagoraaɗo) jannde mecce on (Ministre de la Formation Professionnelle, de l’Apprentissage et de l’Artisanat), Moodi Mammadu Taal ɓaƴƴino holli, no gasa ka tummbe (centres) didee fii mahugol hewtinoya eɓɓoore nden e ca’e goo.