Innde makko ko Mammadu Jam Bah, himo jammitii Moodi Majjam, suka men softuɗo, yimoowo welɗo daande, yaltuɗo ko neeɓaali koo, kono o wowtondiraa ko yaawi, innde makko  nden saakitii ko yaawi, gaaci makko ɗin sennditaa hakkunde yiɗɓe.

Gila Moodi Majjam yalti feeñani faanɓe mun, himo saakita tun gimɗi makko ɗin, o waɗori kadi kliipe (clip), o fampii Widiyoo makko arano on ka Youtube e tiitoonde: « Konaakiniri no hawnii », widiyoo on ƴeewaa ko ɓuri yahata 14 142.

Gila ɗum, Moodi Majjam hino humpita haɗotooɓe mo fii ngal koral (albon) makko saatiingal yaltude. O eɓɓi yaltingol ngal e nduu lewru Maayuhu ɗoo, o humani-en aadi ñannde 11 Maayuhu on ka fubborde Belvedeer (Belvédère) gila ka njamndi 2 ɓamtal naange (14h).

[irp posts= »1130″ name= » Duniya », Tiitoonde widiyoo koral «Takko mawɓe», ngal Hakkille saatini »]

Koral ngal hino yowondiri e gaaci 16, yuɓɓi ngal ko suudu AFRIKAN FLAVA. E miiji makko, “mo no faalaa ɓaɗtaade jamaa on, ko maa o wallitora aalaaji finaa-tawaaji ɗin”, ko ɗum waɗi si mo huutora ɗin ko heewi e gimɗi makko ɗin.

Seenee ka fubborde belvedeer ñannde 11 Maayuhu, tinon kesum Moodi Majjam ka koral makko tiitoraangal « Mi Yewta kadi »