Ko ka dinngiral (Forum) JAMAA woni ko sonna Hajja Kumancco mo labe humpiti men fii ndee ñalaande mawnde to lesdi Gine e battane kawral ngal centre culturelle Franco-Guineen yuɓɓi konaakiri hikka. Hajja Kumancco tawdaa e ngon yuɓɓo kanko e fedde makko nde ka « suudu martaba » (Le Musée du Fouta) ngam yeeɓude holla jamaa seeniiɓe e ngal tumbondiral ɓen; naamuji e pine fulɓe fuuta Jaloo, o okki ɗum innde ŊARI FUUTA.

Tawaaɓe ɓen ƴeewi ko o seenodi e mun kon, ɓe tini gude leppi, e basannji pikkiraaɗi bagi puuto, e ko nanndi.Kanko sonna Kumancco o holli wonde rewɓe ɗuuɗuɓe lamdino mo ɗin comic makko fii soodugol ngam ko ɓe ɓornoo ka moɓtondire jokkere emɗam, ekn.

Ko wano non kadi o humpitiri wonde si lewru Maayuhu ndun feƴƴi, ma o yuɓɓo ñaaƴo (Défile) hollirgol jamaa on dunce ɗe fedde makko nden waɗi, ɓe yeeyora hen roobuuji maɓɓe ñowiraaɗi ñeeñal fedde makko nden wondude e Teemuuje (Camisoles), e wutteeji (Boubou), e jubaade (Morɗi rewɓe fuuta), ekn.

[irp posts= »3323″ name= »Deftere gannde koode e haala Pulaar »]
Ko hombo woni Kumancco?
Hajja Kumancco mo labe, ko jibinannde fuuta Jaloo, sonnaajo dariiɗo daditii fii pinal fulɓe, o sincidii e wallodiiɓe makko fedde “Le muse du Fouta” to saare labe ngam yaltinnde yeeɓita finaa-tawaaji fulɓe, himo humpita winndiiɓe to dingiral JAMAA hol no fedde makko nden fewndori e liggeeji mun. E won saa’i (Wonndeeje) kadi himo nelda ballafuyeeji makko fii rewɓe fulɓe e Afriknaaɓe, ekn.

En ɓanginay tun wonde kañum sonna Kumancco, hina hatoonjini e balla fii ɓamtal ndee fedde makko, tawde wano no Moodi Tierno S. Bah www.webfuuta.net holliri non e kawral maɓɓe rajoo goo; wonde “fedde sonnaajo on ko e wakkilaare maɓɓe tan woni ko sinciraa… Hiɓe hatonjini e ballal jawdi fii no golle maɓɓe ɗen newora..”