Oon Tele Fulfulde ko Africa TV. Telewisiyon sincaaɗo immorde e laamateeri sawdi Arabiya, faandaare makko ko huulangol ɗemɗe Afriknaaje lolluɗe ɗen ngam yewtude ɓiɓɓe Afrik ɓen fiyakuuji diina maɓɓe tawa ko ka ɗemɗe maɓɓe, gila non o sincaa o heɓii geɓe tati sertuɗe geɓal kala hino kippi fii ɗemɗe heertinaaɗe.

Oo telewisiyon non ko gila hitaande 1431 (fergu) woni ko fampaa to lesdi Sudan ka arannde, e faandaare huulangol ɗemɗe jowi on saa’i: Amhariya, e Oromiya, e Ofriya, e Somalia, e Taqriniya. Ɗum woni polgal mawngal haa no geɓal ɗiɗaɓal nagl sinciraa non e ɗemngal Suwahili wowleteengal Tanzani, keniya, Uganda, Ruwanda, Burundi, Mozambik, e kernidaaɓe.

Amma non geɓal tammal ngal, ko e hitaande 1343 woni ko ngal fampiraa e ɗemngal Hawsa wondude e ɗemɗe goo wano Yoroba e Fulfulde.

[irp posts= »1420″ name= »Geloden Fooli Bah, ka Aljazeera English »]

Oo telewisiyon non wanaa ɗaɓɓoowo tono, ko ngam yottinde diina e ɓiɓɓe Afrik woni ko o immanii, faandaare makko ko sellinde fiɓndeeji gomɗinal ɓiɓɓe dungal ngal…

Ko neeɓaali koo, ɓe mawninno ñalaande timmingol sincude geɓe Telewisiyon on e lowre makko nden ka enternet immorde e lesdi Sawdi ka saare mawnde Riyad e tawnde jaagorɗo (Miniisir) diina on sheikh Salih bun Abdul Aziz, e muftii mawɗo on Makka Sheikh Abdul Aziz bun Abdallah, e nootorɓe kawtite diina goo.

Nde Doktoor Muhammad bun Abdul Aziz Alkhadiriyu fewjoowo on ka telewisiyon ƴetti yeewtere, o ɓannginno wonde faandaare makko ko saakitude fiɓnde liimaanu sellunde e dungal Afrik ngal, e yottingol diina Alla kan e noddirgol faadee e diina kan ɓangannduyee, himo yewta fii fiqha e tawhiidi e ko nannditata. Ko non few kadi o holliri wonde Telewisiyon on ko e dow nafaqqaaji jaagoraaɓe jaayndeeji to Sawdi Arabiya kañum e lesi sudan woni ko mahii.