E Dewo (Tenen) yawtuɗo, Rajoo Renndo wernuno Misiide men nden ka  Dinngiral Fulɓe  ngam humpitude banndiraaɓe fulɓe heɗotooɓe rajoo on fii fampagol Misiide Ɓamtaare ka Internet, ɗum woni kawral yuɓɓiingal, hebbiniraangal teddule e jonnondiro pehe, wonndude e faltondiraji; fof waɗuno e ngal kawral Misiide e Rajoo Renndo on nden ñannde.

Kawral ngal non yahuno ko ɓadii leereji ɗiɗi, jamaa on hino lanndoo, misiide nden jaaboo fii faandaare e eɓɓooje mun. Tigi-tigi, yewtere nden feƴƴirno mbaadi moƴƴiri, haa sertaa tawi fof hino weltondirani.

Haray non, miɗen njiɗi weeɓitannde on ɗoo yoga e kon ko feƴƴi e ngal kawral nden ñannde . Men mbi’a bismillah mon:

Rajoo Renndo : Hol ko (Misiide) yiɗi yeewtude Banndiraaɓe heɗiyankooɓe Dingiral Fulɓe?

Misiide : Baawo yettude Alla juula e ɓurnaaɗo Muhammadu (Jom kisiyee), Miɗo salmina kala heɗitiiɓe R. Renndo fewndo oo saa’i ɗoo, weltanoo on battane (tolnannde nden).

Yeewtere men nden ko fii humpitugol on, teddinira on sinncugol amen lowre fulfulde nde men innitiri Misiide Ɓamtaare, ngam wowtinngol ɓiɓɓe leñol ngol e kala haaloowo ɗemngal janngugol fii pinal, diina, jannde e gannde, ka ndeer Internet.

[irp posts= »1837″ name= »Hol no Fulfulde naatirta RFI, BBC e DW ? »]

R. Renndo : Misiide Ɓamtaare woni heen faandaare ko fii diina walla hinde jogii faandaare (goo kadi)?
Misiide : Lowre nden ka lasli mayre ko fii diina e pinal, kono non meɗen waɗa ton kadi fii gannde kese, fii kumpite (kabaruuji), fii jalniika, fii taali e tinndi, e ko yowondiri e renndo fulɓe, …

Renndo : Mbela hiɗon jogii wallodiiɓe fii firugol defte diina ɗen ka ɗemngal fulfulde?
Misiide : Firugol ɗen defte wonaa e fuutaŋkoore tun firetee, wonaa kadi e fulankunndere walla Adamawaare tan, ko woni tun men waɗii ngoomu gollideteeɓe fii immanagol ɗee golle, meɗen gollida fewndo ɗoo e IslamHousse, senngo Fulfulde, e woɗɓe goo.

Ka timmoode, meɗen njiɗi haaɗude ɗoo ko yowondiri e ngal kawral Misiide nden e rajoo Renndo  ka dingiral fulɓe. Ɓuri ɗum ɗoo yeewtano nden ñannde, woɗɓe lamndii ɓe fallitaa, woɗɓe kadi jaarni eɓɓoore nden, fof weltondirani, waynondiraa e yamondiral jokkude golle.