Gila ka ɗemɗiyaakooɓe ɓen fottunoo Bamako hitaande 1966, ɓe fotti kadi wagadugu 1982, Ñamee 1997 fii suɓanagol ɗemngal fulfulde ngal njuɓɓudi wootiri  ndi fulɓe fof fottata e mun, golleeji hino kippiraa heen fow fii ɗemngal fulfulde ngal…

Kono non, hino woodi ko ŋakki e ɗemngal ngal, ko woni ɗum, ko wootinɗinal (Harmoniser) ngal, haa no ngal wonira ɗemngal gootal, tawa si seeday e maggal ko caltuɗe ɗen (Dialectes).

ko waɗi si mi holli ɗum, ko tawde mi waɗtanii yiila gila ngal ɗemngal fuɗɗaa winndeede haa hewti hannde, mo bee hino dolnori caltuka mun kan, foti non ko ka winndugol maa ka janngingol, ɗum ɗon non adday caɗeele e baŋnge  jannginirgol ɗemngal ngal janano goo…!

E piide misal, min ko mi pullo fuutaŋke, ko ɓuri keewude kon si mi naatii e lowe fulɓe goo, ko karaham mi faamirta ko winndetee ton, sikke alaa wonnde  pullo  goo kadi hawray e caɗeele  e ko winndaymi kon, tawde ko caltuka am kan mi ɓurata dolnoraade, caltuɗe  men ɗen-le hino seedi seeɗa…

[irp posts= »1553″ name= »Eeraango – Haa e winndooɓe fulfulde »]

Awa wowtinɗinngol Ɗemngal Fulfulde nagl ko ko hanndu-ɗen e mun, hatonnjin-ɗen kadi e mun fota wonaa seeɗa.

Hino anndaa kan ɓayri Taariika serndii en, woɗɗindirii hakkundeeji men, feere alaa ko maa serten ka caltuɗe, ɗun wonaa e men fuɗɗori, ko wano nii kadi Aarabee ɓen fewndori, hiɓe serti few ka caltuɗe, kono non hiɓe fotti ka Ɗemngal meɓɓe Aarabu Laaɓɗo on.

Awa enen kadi Haal-Pulaar-en,  ndarto-ɗen ndee toɓɓere, hara ko wallifaa woo e Fulfulde hino newoo janngirgol ɗun nokku kala ka pullo ngoni e winnder nden, nafoore nden wona wootere, e dow haldi fotti ɓiɓɓe leñol ngol.

Calminaali.